Fédération des Calandretas

Cada an, Calandreta recruta de Professors d'Escòla avenidors

que compausaràn la còla novela d'APRENE Centre de Formacion Pedagogica de las escòlas Calandretas, dins l'encastre de l'Institut Superior de las Lengas de la Republica Francesa.

Faràn REGENTS a Calandreta aprèp formacion e concors de Professor d'Escòla.

Per presentar sa candidatura a APRENE, cal :

Èsser titulari d'una licéncia.

Mestrejar l'occitan oral e escrich.
(La lenga del centre es l'occitan. Los corses se debanan en majoritat en occitan. Tota la vida del centre tanben.)

Èsser d'aise amb los mainatges. Se sentir la vocacion d'ensenhar.

Per la region Miègjorn-Pirenèus,

una "Jurada" de recrutament se debana al mes de julhet

a Besièrs per d'espròbas escrichas (una jornada), puèi a Tolosa per una entrevista (una orada).

Per totas entresenhas sus la jurada o la formacion de regent de Calandreta, podètz :

mandar un messatge a Miriam Bras, associativa encargada de la Jurada per la Federacion : mbras@c-oc.org
contactar directament lo centre APRENE

Se volètz far de remplaçaments o d'estagis abans de dintrar en formacion, podètz :

mandar un messatge a Miriam Bras, associativa encargada dels recrutaments per la Federacion : mbras@c-oc.org